හවායි දූපතේ හටගත් ලැව් ගිනි වලින් මියගිය පුද්ගලයන් කිහිප දෙනෙකුගේ නම් ප්රසිද්ධියට පත් කර තිබෙනවා.
මෙම ගින්නෙන් පුද්ගලයින් 106 දෙනෙකු මිය ගොස් සතියකට පමණ පසුවයි බලධාරීන් මියගිය පුද්ගලයින්ගේ නම් පළමු වරට ප්රකාශයට පත් කර ඇත්තේ.
ඒ අනුව 74 හැවිරිදි Robert Dyckman සහ 79 හැවිරිදි Buddy Jantoc යන පුද්ගලයින් දෙදෙනෙකුගේ අනන්යතාව හෙළි කර තිබෙනවා.
තවත් තිදෙනෙකු හඳුනාගෙන ඇති අතර ඔවුන්ගේ පවුල්වලට දැනුම් දෙන තුරු ඔවුන්ගේ නම් ප්රකාශයට පත් කර නැහැ.
ඓතිහාසික ලහයිනා නගරය පැය කිහිපයක් ඇතුළත විනාශ කළ ව්යසනකාරී ගින්නෙන් පසුව විපතට පත් වූවන් සෙවීමේ වෙහෙසකර මෙහෙයුමක් ද ආරම්භ වී තිබෙනවා.
ජැන්ටොක් මහතාගේ දේහය ලහයිනා හි ජ්යෙෂ්ඨ නේවාසිකාගාරයක පිහිටි ඔහුගේ නිවසේ තිබී සොයා ගත් බවයි නිව් යෝර්ක් ටයිම්ස් පුවත්පත වාර්තා කළේ.
සිරුරු හඳුනාගැනීම සඳහා පුහුණු කරන ලද සුනඛයන් 20 දෙනෙකු ද යොදාගෙන තිබුණා.
අඟහරුවාදා සවස් වන විට ආපදා සිදුවූ ප්රදේශවලින් 27%ක් සෝදිසි කර ඇති බව ආණ්ඩුකාර ජොෂ් ග්රීන් ප්රකාශ කර තිබෙනවා.
ඉදිරි දින 10 තුළ මියගිය සංඛ්යාව සැලකිය යුතු ලෙස ඉහළ යා හැකි අතර එම සංඛ්යාව හමුවූ මරණ මෙන් දෙගුණයක් විය හැකි බවටයි ඔහු අනතුරු අඟවන්නේ.
කහවත්තේ නිල් මැණිකක් කෝටි 43කට අලෙවි වෙයි
කහවත්ත, කට්ටංගේ ප්රදේශයේ මැණික් පතලකින් හමුවූ නිල් මැණිකක් රුපියල් කෝටි 43කට වෙන්දේසියේදී අලෙවි වී තිබෙනවා.
‘බ්ලූ සැෆායා’ වර්ගයේ මෙම මැණික් ගල කැරට් 99ක් බවයි මැණික් හා ස්වර්ණාභරණ අධිකාරියේ නිලධාරියෙක් සඳහන් කළේ.
මැණික් හා ස්වර්ණාභරණ අධිකාරියේ අධීක්ෂණය යටතේ මෙම වටිනා නිල් මැණික කහවත්ත ප්රදේශයේ දී වෙන්දේසි කෙරුණු අතර ඊට රත්නපුර දිස්ත්රික්කයේ ප්රකට මැණික් ව්යාපාරිකයන් රැසක් එක්ව සිටියා.
ඒ අනුව වැඩිම ලංසුව තැබූ පැල්මඬුල්ල ප්රදේශයේ මැණික් ව්යාපාරිකයෙක් රුපියල් කෝටි 43ක් ගෙවා මැණික මිලදී ගෙන තිබෙනවා.
