කඩුවෙල වැවපාර ලඳු කැලෑවක් තුළ නාඳුනන පිරිමි පුද්ගලයකුගේ නිරුවත් මළ සිරුරක් කඩුවෙල පොලීසිය විසින් සොයාගෙන තිබේ.
මළ සිරුර වයස අවුරුදු 30ත් 40ත් අතර වියේ පසුවන්නකුගේ බවට සැක සිතිය හැකි යැයි පොලීසිය සඳහන් කරයි.
මළ සිරුරේ තැන් තැන්වල පහර දීමේ සලකුණු බවට සැක කළ සැක කළ හැකි සලකුණු ද දක්නට ඇති බව පොලීසිය වැඩිදුරටත් වාර්තා කර ඇත.
මේ වන විට එම ස්ථානයේ පොලිස් ආරක්ෂාව යොදවා ඇති අතර, නුගේගොඩ අපරාධ ස්ථාන පරීක්ෂණාගාරයේ නිලධාරීන් මෙන්ම මහේස්ත්රාත් පරීක්ෂණය ද පැවැත්වීමට නියමිතය.
සිද්ධිය පිළිබඳ වැඩිදුර විමර්ශන කටයුතු කඩුවෙල පොලීසිය මඟින් මෙහෙයවනු ඇත.
උමාරා සිංහවංශ ට කැඳවීමක්
ජාතික ගීය විකෘති කර ගායනා කළ බවට චෝදනා එල්ලවී ඇති ගායන ශිල්පිණී උමාරා සිංහවංශ ප්රකාශයක් ලබාගැනීම සඳහා රාජ්ය පරිපාලන හා ස්වදේශ කටයුතු අමාත්යංශයට කැඳවා තිබේ.
අද (02) දිනයේ උමාරා සිංහවශට අමාත්යංශය හමුවේ පෙනී සිටින ලෙස දන්වා යවා ඇති බව වාර්තා වේ.
උමාරාට එල්ල වූ චෝදනාවත් සමඟ ඒ පිළිබඳ විමර්ශනයක් සිදුකර වාර්තාවක් තමාවෙත ලබාදෙන ලෙස අග්රාමාත්ය දිනේෂ් ගුණවර්ධන මහතා රාජ්ය පරිපාලන හා ස්වදේශ කටයුතු අමාත්යංශ ලේකම් රංජිත් අසෝක මහතාට දැනුම් දී තිබේ.
ඒ අනුව අමාත්යංශයේ විමර්ශන ඒකකයට ලේකම්වරයා විසින් සිදුකළ දැනුම්දීමට අනුව මෙම විමර්ශන ආරම්භ කර ඇති බව සඳහන්ය.
රාජ්ය පරිපාලන හා ස්වදේශ කටයුතු අමාත්යංශයේ අතිරේක ලේකම්වරයෙක් සහ අධ්යාපන අමාත්යංශයේ සහකාර ලේකම්වරයෙක් විසින් මෙම විමර්ශනය කටයුතු සිදුකිරීමට නියමිතව තිබේ.
එහිදී ආණ්ඩුක්රම ව්යවස්ථාව උල්ලංඝනයවීමක් සිදුකර තිබේද ? යන්න සම්බන්ධයෙන් මූලිකව සොයා බැලෙනු ඇත.
විමර්ශනයට පසු අදාළ වාර්තාව අමාත්යංශ ලේකම්වරයාට භාරදී ඉන්අනතුරුව නීතිපති උපදෙස් ලබාගැනීමට නියමිතය.
මේ අතර මෙම සිද්ධිය සම්බන්ධයෙන් විමර්ශන නිලධාරීන් ක්රිකට් පාලක මණ්ඩලයෙන්ද ප්රකාශයක් ලබා ගැනීමට නියමිතව තිබේ.
