පාර්ලිමේන්තුවේ ආපනශාලාව වසා දමා දිවා විවේකය සඳහා වන කාලයද ජනතා ගැටලු වලට විසඳුම් සාකච්ඡා කිරීම වෙනුවෙන් යොදා ගත යුතු බවට පාර්ලිමේන්තු මන්ත්රී චන්දිම වීරක්කොඩි ඊයේ පාර්ලිමේන්තුවට යෝජනාවක් ඉදිරිපත් කළා.
මේ අතර පාර්ලිමේන්තු මන්ත්රීවරුන්ගේ වාචික පිළිතුරු අපේක්ෂා කරන ප්රශ්න පාර්ලිමේන්තුවේ න්යාය පත්රයට ඇතුලත් කිරීමේදී නව ක්රමවේදයක් අනුගමනය කරන බවයි කථානායක මහින්ද යාපා අබේවර්ධන ඊයේ පාර්ලිමේන්තුවට දැනුම් දුන්නේ.
ඒ සඳහා දැනට අනුගමනය කරන ක්රමවේදය හේතුවෙන් පාර්ලිමේන්තුවේ රැස්වීම් පවත්වන සෑම දිනකම පාර්ලිමේන්තු මන්ත්රීවරුන් කිහිපදෙනෙකුට පමණක් එම ප්රශ්න ඇසීමේ අවස්ථාව සීමා වීම මෙම තීරණය සඳහා හේතු වූ බවද කතානායකවරයා එහිදී සඳහන් කළා.
Source:Hirunews
